“Улаанбаатар зам засвар, арчлалтын газар” ОНӨААТҮГ-аас 2017 оны 5 дугаар сард Төв аймгийн Партизаны сангийн аж ахуйд 3га газарт төмс тариалсан бөгөөд өнгөрсөн сарын 15-наас хамт олны хүчээр ургацаа хураан авлаа. Ургацын дээжээ тус байгууллагаас өндөр насны тэтгэвэрт гарсан 74 ахмадад тус бүр 40 кг, ажилтнуудад 25 кг төмс хүлээлгэн өгч байна. Эх орны хөрсөнд ургасан эрүүл хүнсний ногоог ахмадууд болон ажилтнуудынхаа ахуй амьдралд дэм болох зорилгоор өгсөн нь цагаа олсон ажил болсон юм. Ахмадууддаа бүх талаар тусалж дэмждэг байгууллагын удирдлагуудад талархаж байгаагаа ахмадууд баяртайгаар илэрхийлж байлаа.